كان ياما كان الحب مالي بيتنا و مدفينا الحنان
زارنا الزمان .. سرق منا فرحتنا و الراحة و الامان
حبيبي كان هنا .. مالي الدنيا علي بالحب و الهنا
حبيبي يا انا يا أغلى من عيني نســـــيت مين انا؟
انا الحب اللي كان اللي نسيته قوام من قبل الاوان
نسيت اسمي كمان نسيته يا سلام على غدر الانسان
والله زمان يا هوى زمان........
***
حبيبي جيت انا ليه في الدنيا ديه.. الا علشان احبك
علشان يدوب عمري من جرح غدرك بدري
دمعة ورا دمعة و تعيش انت لفرحك
حبيبي فداك انا و سنيني اللي جاية فداك قلبي اللي حبك
امشي فوق دمعي فوق همي و غني
و لا تنزلش دمعة ليلة فوق خدك
حبيبي كان هنا .. .............
***
آه .. و من حرقة الاه داب الحجر
آه .. من قلب جواه حب اتقتل
و اه على عاشق هواه من غير امل
اه و الشكوى لله مش للبشر
عسل و مر انت ، وفا و غدر انت و حب العمر انت
كدبة انت كدبة .. لكن احلى كدبة بعتها لي الزمان
رقة انت رقة .. لكن شوك و دمع و بحر من الاحزان
حبيبي كان هنا .. ........
***
زمان لما جيت بعد غيابك سنين و على قلبي ناديت
رديت حبيبي جاني
اشتاق لحبيبه تاني
لحبي لحناني و يا ريتني ما رديت
زمان كان لينا بيت و اصحاب طيبين يبكوا لو يوم بكيت
ويخافوا عليك يا غالي و علي م الليالي
من همسة من كلمة ويدوبوا لو غنيت
حبيبي كان هنا ......