العيش الشمسى الصعيدى بالصور

العيش الشمسى الصعيدى عشان فتة العيد
العيش الشمسى (الصعيدى )
لعيون حبيبتى والمنتدى كله
ان شاء الله تعجبكم الطريقه
لانها صعبه شويه

[ندعوك للتسجيل في المنتدى أو التعريف بنفسك لمعاينة هذا الرابط]

اولا

من الاسم العيش الشمسى لانه بيخمر فى الشمس
وفى ناس بتستغنى عن الشمس وبتخمره على المروحه

ثانيا

الادوات المستخدمه

المقارص

[ندعوك للتسجيل في المنتدى أو التعريف بنفسك لمعاينة هذه الصورة]
(دى اللى بنحط عليها الرغيف عشان يخمر وننقله من مكان للتانى )
بتكون من الورق او من الخشب ولو مش موجوده
عندك ممكن تستخدمى كارتون مقوى )
المطرحه
(اللى بنستخدمها عشان ندخل الرغيف فى الفرن )

ملحوظات

المقادير
اللى احنا بنستخدمها وهى طبعا كبيره
جدا لان كميه العيش بتقعد معانا 15 يوم
وبنحط العيش فى الديب فريزر
وبنطلعه على التسخين

الخميره
بتشتريها من الفرن بتاع العيش الجاهز
ولما تعمليها فى البيت عندك
قبل الخبيز شيلى منها جزء فى
التلاجه واستخدميه فى الخبيز المره
اللى بعده وكل مره تعملى كده
[ندعوك للتسجيل في المنتدى أو التعريف بنفسك لمعاينة هذه الصورة]
بالنسبه لنوع الدقيق احنا بنخلط دقيق بلدى وعليه دقيق فينو
العيار ....بنستخدم علبه سمن العاديه مش الصغيره

المقادير بتاعتنا

(بكرر انها كميه كبييره)

7 علب(زى مقلنا بنعيرهم بعليه السمنه) من الدقيق البلدى
اعلبه من الدقيق الفينو
ملح بسيط
الخميره(بنستخدم نوعين خميره
نوع بتاع الفرن والتانى اسمه
خميره بيره
(بتكون زى المعجون مش بودره)

لو احنا هنخبز العيش الصبح يبقى نعجن الخميره من بالليل

طريقه الخميره

هنحط الخميره اللى هنشتريها من الفرن
مع علبه ونص دقيق(من ال8 اللى قلنا عليهم)
ونعجنهم بالماء وتترك الى الصباح لكى تخمر

قبل الخبيز نحضر المقارص
ونفرشهم طبقه خفيفه واحده واحده بالرده
عشان ميلزقش فيهم العجين زى كده

هنبدأ العجن

الميه
(بتكون حسب ميحتاج العجن
ممكن تزودى لو حسيتى العجينه محتاجه كمان )

هنحط الماء الساخن وملح بسيط
ثم الخميره البيره ثم الخميره
اللى احنا عملناها
من بالليل ثم الدقيق

[ندعوك للتسجيل في المنتدى أو التعريف بنفسك لمعاينة هذا الرابط]

واعجنى على اد متقدرى بعد كده لحد ميكون شكل العجين كده

[ندعوك للتسجيل في المنتدى أو التعريف بنفسك لمعاينة هذا الرابط]

تبدأى بتقطيع العجين الحجم اللى يريحك باليد زى كده

[ندعوك للتسجيل في المنتدى أو التعريف بنفسك لمعاينة هذا الرابط]

وتدوريه فى ايدك وتخليه يلمس الدقيق قبل متحطيه على المقرصه

[ندعوك للتسجيل في المنتدى أو التعريف بنفسك لمعاينة هذا الرابط]

ثم يوضع على المقارص وتكررى بنفس الطريقه كل الكميه

[ندعوك للتسجيل في المنتدى أو التعريف بنفسك لمعاينة هذا الرابط]

هنا بعد مخلصنا تقطيع العيش
وصلنا لمرحله التسليم على العيش
(يعنى نفرده باليد ونكون ماسكين قماشه )

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]
هنا فى الصوره الفرق بين العيش قبل الفرد وبعده

[ندعوك للتسجيل في المنتدى أو التعريف بنفسك لمعاينة هذا الرابط]
بعد مخلصنا فرد كل العيش هنطلعه فى الشمس

[ندعوك للتسجيل في المنتدى أو التعريف بنفسك لمعاينة هذا الرابط]

هنسيبه شويه لحد ميخمر وتلمسى وجه
العجين تلاقيه بقى جامد مش طرى
ونروح قلبينه على الوش التانى
اللى فيه الرده ونسيبه يخمر كمان شويه

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

دلواتى العيش خمر كله فى الشمس هنرجعه فى الظلال تانى
وهنبدا نشققه ونخبزه

التشقيق
بيكون على داير الرغيف بالسكينه زى كده

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

كده بقى جه دور
المطرحه
واحنا بنستخدم بدل المطرحه مضرب خشب بتاع الركيت
بنحط العيش عليها بحيث يكون وجه العيش
اللى فيه الرده من تحت وتضغط على الرغيف
ضغطه خفيفه بايدها وترصه جوا الفرن

[ندعوك للتسجيل في المنتدى أو التعريف بنفسك لمعاينة هذا الرابط]

الفرن بتاعتنا حديد بتساع 12 رغيف مره واحده
وبتكون فى نار من تحت ونار من فوق زى كده

[ندعوك للتسجيل في المنتدى أو التعريف بنفسك لمعاينة هذا الرابط]

هنسيبه لحد ملونه يحمر من فوق ومن تحت

وأكيد تعبتو (صح)

بالهنا والشفا

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

شكله صعب شوي للتحضير ليس لان المراحل صعبة

بل لان العجين فيه على ما اظن كمية كبيرة من الماء

و يكون صعب عجنه و فرده

شكرا لك على الوصفة

[ندعوك للتسجيل في المنتدى أو التعريف بنفسك لمعاينة هذه الصورة]
دخت كل هل الشغل
كرمال رغيف عيش
يا عم بنشتريه
[ندعوك للتسجيل في المنتدى أو التعريف بنفسك لمعاينة هذه الصورة]
شكراااااااااا لك

[ندعوك للتسجيل في المنتدى أو التعريف بنفسك لمعاينة هذه الصورة]

سلمت يداك
طرح رائع
بارك الله فيك
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

» الصعايده وصلوا عيش بلادنا العيش الشمسي {الجاتوه الصعيدى}قرب ع الحلاوه
» كيك الأكواب بالصور
» شاورما بس غير(بالصور)
» جاتوه حلو بالصور
» سمك محشي... بالصور