السلام عليكم / صباحكم و مسائكم ورد وفل وياسمين
اعجبتني و اتمنى ترتقي لذائقتكم
يغنيك عن كثر الحكي مجمل ابيـات
ومن ياخذ المضمـون يلقـى الادلـه
تدري وش اللي يقتل الحب بسكـات
لاصرت في بوحـك تحـس بمذلـه
وتدري وش اللي يكسر الظهر جزات
لامن عطيت احساس ماهـو محلـه
وتدري متى تستاهل الطعـن مـرات
لامن خطيت الـدرب وانتـه تدلـه
لا تتبع المقفي علـى كـل حـالات
بعض الوجيـه اللـي تقابلـك علـه
ولا تسال الغالي عن الجرح لافـات
نبـش الحكـي يـزود الطيـن بلـه
طالع فيمن حولك وتاخـذ شهـادات
ما نلتها لـو تـدرس الدهـر كلـه
ناس تجر من اسود الضيـق ونـات
ونـاس تقضيهـا وناسـه وفـلـه
هذاك شال همـوم غيـره ولا بـات
وهذاك ما يدري عن احسـاس خلـه
احدٍ يهين اصلـه علـى كـل زلات
واحـدٍ ترومـه شيمتـه مـا تزلـه
لا تقول حظي من عنا الوقت قد مات
قل مات حـظ اللـي عنـاه استحلـه
ولا ضاقت الدنياوعلى الكيف ما جات
اطلق احجاجك ثم توكـل علـى الله
ودي / باقه جوري لحضوركم :؛<>:
