انتى تروحى تجيبى من العطار زيت لوز مر
هتلاقيه كده فى علبه صفره جواها زجاجه
هتروحى يا ستى قبلها تكونى منظفه وشك
وغسلاه بالصابونه والمايه
بعدها بها تجيبى قطنه
وتحطى عليها زيت اللوز وتبداى تدهنى وشك
لحد ما تحسى انها عملت ماسك على وشك وحطتى على وشك كله
وتسيبه يا ستى ساعتين على وشك
يعنى تحطيه وانتى هتذاكرى او مثلا بتعملى شغل البيت
او بتتفرجى على التلفزيون
معايا لحد كده
لما يكون فاضل حوالى 10 دقايق وتغسلى وشك
تقومى تجيبى معلقتين زبادى وحتت خياره وتقشريها
وتحطيها على الزبادى وتتهسيها لحد ما يبقوا مايه
بعد كده تجيبى معلقه دقيق وتحطيها على الخليط
ولو بشرتك دهنيه ممكن تحطى نقتطين ليمون عليهم
اوك لحد كده
هيكون فات الساعتين
تقومى تغسلى وشك بالمايه بس من غير صابون
يعنى تنزلى اثار الزيت بس من على وشك
وبعد كده تنشفى وشك بالفوطه
وتحطى الماسك وتسبيه من 20 الى 30 دقيقه
وبعد كده تشطفى وشك بماء وصابون
وشوفى النتيجه هتبهرك وهتدعيلى
وكمان لما تنامى وتقومى الصبح
هتلاقى وشك اثار الاجهاد راحت منه
وبقى ناعم وصافى ورايق
ومع استخدام الموضوع ده
كل يوم ويوم لمده اسبوعين
هتشوفى نتايج هتبهرك
ياريت كل اللى تدخل ويعجبها الموضوع تدعيلى
____
