مش عشانك
مش عشانك انسى نفسي وعمري كله في لحظتين
مش عشانك انتحر من الحب وانسى اسمي مين
***
مش عشانك تنطفي كل الشموع
مش عشانك ابكي نهر من الدموع
***
وليه عشانك كل شئ يصبح ظلام
وليه عشانك تنسي ابراجها الحمام
***
أوعي تفتكري اني هكتب غنوة ليكى
أوعشانك وانتي فيها او اليكى
***
أنتي ولا تستاهلي كلمة
اكتبها أو تحكي عليكى
***
من النهرده انتي انتهيتي من حياتي
متفتكريش انك أمل او كنتي يوم من أمنياتي
أنتي مجرد وحده بس عجبتني أو دخلت حياتي
***
مش هضيع لو جيتي يوم وبعدتي عني
عمرى ما كنت انا حاجة منك
أو كنتي انتي حاجة مني
***
مش عشانك الضياع يدخل طريقي
لأنه حبك زي أسمك ؟ مش حقيقي
***
وهم سراب خيال
لا فيه أمل ولا فيه أماني
ولا هوا ممكن أو محال
***
حبك نهايته ساكنة فيه
مستحيل أندم عليه
***
حبك ده صورة إحنا رسمناها بإدينا
ملهاش اساس خيال وفكر خطر علينا
****
حــب ضمناه الظروف
لا يوم سهر ولا يوم بكى
ولا يوم كتب حتي الحروف
***
اوعي تفتكري ان ده الحب الكبير
ولا بعدك عني اصبح شئ خطير
***
ابعدي ابعدي وانا مش عشانك
ولا مكانك من مكاني ولا مكاني فيه مكانك
والنهرده صدقيني عايز اقولك مش عشانك
للشاعر مصطفي هاشم
